السلام عليكم
هالموضوع الكل قام يتكلم عنه و يحذر الناس منه من درجه الخطوره ، الرسائل الخفيه شنو اهي و عباره عن شنو
الرسائل الخفيه عبار عن
: صور او كلام غير مباشر يصوره العقل و يتبرمج عليه مع الزمن (اختصار للتعريف)
انزين هالرسايل وين نشوفها او نلقاها و الرسايل موجهه حق منو بالضبط ؟! ،هالرسايل الان موجوده بالتلفزيون بنسبه ٩٩٪ موجهه للاطفال نظرا لسهوله برمجه عقولهم بسرعه
و انا شايف وايد من هالشغلات بالتلفزيون و انا صغير و حتى الحين ، و هذي الرسايل ملحوظه تلاحظها عالطفل بشكل كبير
لكن في كلام انتشر ان كلمه sex تنطبع في عقل الطفل فهذا كلام غلط ، الي ينطبع اهو الفكر و التفكير و الأفعال
بحيث لو يبنا ياهل عاجل و شاف مصارعه بين اندرتيكر و ميستريو (مثال بابخ XD) راح تلقاه يفز بسرعه و يطق من اهني و الطريق
او لما واحد يتحجى بطيء مثل الحقير سبونج بوب (ياخي كرتون بايخ شلون يحبونه اليهال) راح تلقون مثل اختي تغثني تتكلم بطيء عاد وقتها اكون لاكها كف تقعد تتحجى عدل عدل 🙂
او لما يهال يشوفون باقز باني مثلي انا ويا ولد عمتي و احنا صغار يحذف طابوقه على الصياد يقوم ولد عمتي لما كنا بموقع بنيان بيتنا يحذف علي طابوقه من الدور الثاني يحوش شوي منها راسي و يقعد يخر دم هذي مشكله كبيره
و الي يقهر لما نشوف كراتين دينيه نلقاها بصور طينيه و تقنيات قديمه للاسف
هالموضوع تكلم فيه فضيله الشيخ محمد العوضي و اكد انها مشكله كبيره من المكالمات الي استقبلها
انزين شنو الهدف: الهدف مو السيطره عالعالم ، اهو الهدف ايصال معلومات غلط و تلويث العقل بحيث :
يخدم نظريات خاطئه مثل نظريه داروين مثل مسلسل بن ١٠
او انه يعلم الشباب الحريه المطلقه و تلويث فكرهم بان الحريه الاسلاميه او الحريه الي تتبعها الديانات الاخرى غلط طبعا الحريه الاسلاميه هي الافضل طبعا كونها تخدمك و تحميك ، طبعا من امثال الحريات المطلقه انك تلبس كيف كيفك و تتبع تكرمون ميولك الجنسيه او او … كلام وايد
الحل : كما قال الشيخ محمد العوضي ببرنامج زوايا لازم يكون للاهل و الاعلام دور في تنقيه العقول و توجيها للصح
فالطفل لما يكون بروحه جدام التلفزيون اغلب شي يكون بروحه بينما الام عالايفون و الابو يقرا الجريده و مو هامه شي
و الاعلام بدال ما يسوي هالمسلسلات البايخه الي قصتها نفس الشي يسوي جم كرتون حلو لعيالنا ثري دي او اي تقنيه ثانيه
اتمنى اني افدتكم
و اي معلومه ثانيه حابين تزيدونها حياكم الله
ice kuwait 
الصراحه اشوف ان مواضيعك ماشاء الله جدا ص جميله ومثمره وهذا شي جدا ً نادر نلاقيه في فتى خلنا نقول شاب في مثل عمرك .. تبارك الرحمن وربي يحفظك لهلك اللي اكيد تربيتهم هي اكبر سبب في توجهك السليم ..
زين في حد يحتقر سبونج بوب مثلي اه هاهاهاهاها .. انا معاك مليون في الميه في قضية الرسائل الباطنيه .. بس بخصوص موضوع ان الاطفال ما يستوعبون المواضيع الجنسيه فانا أعتقد انهم يستوعبونها عن طريق هالرسايل .. اطفالنا هالايام أكبر من اعمارهم الواقعيه واستووا يفهمون اشياء نحن ما وعينا عليها إلا عقب عمر حتى طريقة كلامهم وتصرفاتهم استوت في انحدار وهذا بصراحه شي يخوف .. يعني اقولك ابسط مثال ولد اختي وربعه اللي اعمارهم ما تجاوزت التسع سنوات شافوا بنت بعمرهم وصف وها بالـ(سكسي) ؟! بصراحه وايد انصدمت من هالشي ..انا عن نفسي وبكل امانه ماعرفت هالكلمه إلا يوم وصلت الجامعه ..
تلميحات هالكرتونات وتصرفاتهم صايره تاثر بشكل مروع وتقود للانحطاط بشكل كبير ..
وايد كتبت بس اندمجت بالسالفه
أشكرج عالرد و المرور و رايك الجميل ، و بالنسبه للاستيعاب الجنسي للأطفال أنا قصدي الكلام الي ينكتب في اللقطه بشكل غير واضح يمكن شجر يشكل كلمه سكس أو أي شي و لا ما تنطبع الا الي يعرف الكلمه و معناه مثل ما أنا سمعت
أما مثل توم و جيري فالحمد لله أنه الله حلقني كاره لهذا الكرتون و خلاني أكره الكرتون من عمر ١٢ و أتوجه للبرامج الثقافيه و الفكاهه في التلفزيون
شكرا مرا ثانيه