طبعا قبل لا أكتب عن البرنامج أنا قصدي الأفلام الي تم تحميلهم من الأيباد من خلال برامج التحميل
برنامج player Xtreme
أهو أحسن برنامج لمشاهده الأفلام و الفيديوهات الي تم تحميلها من جهاز اللوحي الأيباد و البرنامج مجاني و لكن يحتوي على بعض المزايا الي يتم شراءها و بسعر بسيط من دولاريين الى ٩٩ سنت
البرنامج يشغل أغلب صيغ الفيديو و في شرح شلون تنقل أفلامك من جهازك الشخصي الى الأيباد عن طريق الآيتونز و بسهوله بدون شغلات هكر أو تلاعب بالملفات
بعض الصور
طبعا فيلم bad teacher (17+)
دايما نشتكي من سالفه التحميل و بطء سرعه الإنترنت ، الحلول وايد لكن مكلفه بعض شوي بالنسبه للبعض .التورنت عباره عن ملفات صغيره الحجم تحتاج لبرنامج مخصص للتحميل الملفات من التورنت و بدور البرنامج يقوم بتحميل الملف المراد تحميله سواء كبير أم صغير
ملفات التورنت أغلب شي تكون مجانيه و أيضا البرنامج ، في برامج منها utorrent أو bittorrent و هي الأفضل .
السؤال : ليش التورنت هو أفضل خيار للتحميل ؟
الإجابه في مزاياه : تقدر من خلال التورنت انك تكمل تحميلك في أي وقت بدون أي مقاطعه و اذا انقطع الإنترنت تقدر تعيد تحميل الملف و السرعه على حسب سرعه جهاز الإنترنت عندك
البرنامج لأجهزه الويندوز مادري اذا كان لأجهزه الماك “طبعا أنا مصور موقعهم من الأيباد”
بس على حسب تجربتي له لما تستخدمه راح يكون الانترنت عندك بطيء و عند الأجهزه الثانيه و لكن تحميله للملفات سريع خصوصا مع ملفات الي حجمها بالقيقا بايت
السلام عليكم
أغلب الناس تشتكي من هالشي و الي أهو انه برنامج الرسايل حق أجهزه أبل مثل الأيفون و الأيبود و الأيباد ما تطلع فيها تنبيهات عن وصول رساله يديده و خذا شرحي اليوم
بس قبل لا أبدي الشرح ترا هالميزه موجوده من قبل بس محد منتبه لها
نسمي بالله
١_ ندخل الإعدادات أو Setting
٢_ بعد ما دخلنا نروح للتنبيهات أو notifications
و أخيرا
أعتذر على عدم التنسيق البرنامج مادري شفيه (blogsy)
السلام عليكم
دام هالخدمه عندي و محد حاب يستخدمها من الي أعرفهم قلت خلني أخليها للمدونه
للي حاب يضيفني
Ice-kuwait@hotmail.com
السلام عليكم
اليوم الفقره عباره عن نصائح لأصحاب أجهزه البلاك بيري ، و راح أركز أكثر شي على البطاريه و شلون تحافظ عليها و طرق شحن الجهاز بسرعه
أولا : البطاريه :
١_اذا كنت تستعمل ال3G أغلق الوايفاي من جهازك عن طريق اختيارات الشبكه
٢_إذا كنت تستعمل برامج وايد فهذا راح يستهلك البطاريه فعند انتهاءك من الرنامج أغلقه من القائمه ثم إغلاق أو close
٣_لا تستعمل الشاحن ‘التقليد‘ لأنه يشحن أقل من الأصلي و اذا زادت الكهربا عليه انفجر الشاحن و احتمال كبير تضرب المذربورد
٤_اذا كنت تبي تشحن أسرع استخدم شاحن جهاز ‘playbook’
٥_خفف من إضاءه الشاشه الى النص او خفف الى الربع
٦_إغلاق البلوتوث
ثانيا : المحافظه على الجهاز :
١_الحرص على تنظيم الشاشه
٢_الحرص على تجنب المياه
٣_شراء البرامج من الأبورلد (تم تفعيله بالخليج)
٤_عدم استعمال اكسسوارات تقليديه
٥_عدم تحميل ملفات مجهوله المصدر
٦_عدم العبث بالبيانات و الخيارات (مرات تفعل خدمه معينه بالغلط و انت تعبث بالاعدادات)
٧_في حال انه الخدمه علقت أو صار فيها خلل حاول تراسل شركه الاتصالات نفسها و لا تتبع النصائح الي بالمنتديات لأنها أغلبها غلط و يمكن تخرب جهازك مره وحده
ثالثا: أماكن الشراء:
لا تشتري من المحال العاديه جهاز يديد لأن :
١_الجهاز ما راح يكون فيه كفاله شامله
٢_الجهاز اذا كان خربان ما راح يربدلونه أو يردون فلوسك
لكن جرب تشتري من المحلات الكبيره مثل الغانم و يوريكا و الكتروزان و هاتف ٢٠٠٠ لأنهم يعطونك كفاله شامله للجهاز و اذا كان خربان يلونه لك و لهم مركز صيانه معتمد و تابع لهم
أتمنى أني أفدتكم بالنصايح ترقبوا نصائح الأيفون
السلام عليكم
أنا فكرت بفقره عباره عن جم تدونه فيها نصايح لاصحاب الاجهزه خصوصا ذوي الايفونات و البلاك بيري و راح أركز عالأجهزه الجديده و خصوصا عالايفون لكثره الشكاوي عليه
ترقبوني من باجر الساعه ٣:٠٠ انشالله
السلام عليكم
ice kuwait 