أليسوا بشرا

كنا وقت أخر حصه و كانت علينا رياضيات و كنا تعابا من إمتحان الكيميا حق الحادي عشر ، و كنا وقتها مخلصين و قاعد نسولف مع المدرس فمدرسنا جزاه الله خير حب يذكر شي مفيد لنا و كان منها برنامج محمد الشقيري الي كان يتكلم عن عمال النظافه و شلون دورهم كان كبير في المحافظه على نظافه مدارسنا و أماكن عملنا و شوارعنا

بعض الناس بالكويت يستحقرون هذا العامل بحجه انه ((كويتي)) و يملك الحريه في فعل الي يبيه في هذا العامل المسكين الي ماله لا سفاره تسانده و لا أحد يوقف معاه و يسكت هالعامل و يقول الله كريم أو يقعدون ينادونهم بألقاب تنزل من قدر هذا الإنسان مثل ((باي)) ((كومار)) ((صديق)) و الى آخره من الألقاب

مشكله البعض أنه متكبر و التكبر له عواقب و عواقبه كبيره لدرجه محد يتصورها ، لما تقول للعامل هذا لو سمحت أو أخوي و تشوف إبتسامته بحلجه ما تفرح ؟ لما يكون غير مسلم و بسبب كلامك الحلو و ابتسامتك له يسلم و تكون أنت السبب و يكون سبب من أسباب دخولك الجنه انشالله ؟ لما تكلمه باسلوب محترم راح يحبك و يحب ديرتك و راح يحترم قانونها و ما وده يطلع من الكويت حتى و لو معاشه دينار و السبب إبتسامه و معامله الناس له !

بعض الناس و خصوصا الحريم يصارخون على هالعامل و يسفلون فيه عشان غلطه ما تسوى كل هالتحقير و التسفيل منهم ، و الله العامل خم هني و ما خم جدام بيتنا أو قاعد جدام رصيف بيتنا ! سؤال رصيف أبوكم هذا ؟

كل يوم بلجنه التعريف بالإسلام يدش وافد أو سائح غير مسلم و الله العظيم لو تسألهم ليش دشيتوا الإسلام راح يقولولك شفنا حياتكم و معاملتكم و حبينا الإسلام !

أحب أذكر الكل أنه يوم القيامه الله ما راح يفرق أحد عن أحد إلا بالعمل الصالح و أتقوا الله فيهم تراهم يوا الكويت لحاجه مو عشان نسفل فيهم و نهزء فيهم فلما تقول أنت كويتي أو خليجي فانت تمثل الكل فمثل الكل بتصرفاتك السنعه

و سلامتكم

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: