قوقل و الخادمه الأثيوبيه

السلام عليكم

أنا اليوم من سمعت انه في حلقه من تو الليل بتنعرض بعد شوي عن الخدامه الأثيوبيه

و أنا براسي خواتي الثنتين الصغار ،. المهم أنا مرات أشوف الوالده توريني صور من واتسابها عن جرايم الأثيوبيات و اليهال الله يرحمهم الي ماتوا منهم المحروق و الي مقطوع راسه و الخ من الجرائم الي الله يحفظ الكويت و أهلها و الي عايشين فيها من كل مكروه

قلت خلني أشوف بقوقل و أكتب خادمه أثيوبيه

المهم طلعتلي النتايج و كلها جريمه خادمه اثيوبيه او خادمه أثيوبيه قتلت او نحرت الخ لمن وصلت الصفحه الرابع و انا لايع جبدي

وصلت الصفحه الرابعه و لي الحين ماكو شي ايجابي !

20111201-220019.jpg

مادري طل يوم أفكر : ليش كل بيت فيه خدامه ؟!

One thought on “قوقل و الخادمه الأثيوبيه

  1. memoalatoulyly قال:

    السلام عليكم

    انا قاريه خبر الخدامه الاثيوبيه اللي قتلت البنت الشابه قبل عرسها من فتره والصراحه كسرت خاطري البنت الله يرحمها .. بالرغم انه تم التوضيح على ان البنت كانت ذات اخلاق عاليه وطيوبه وحتى يابت صيغه حق الخدامه يوم رجعت من السفر ..

    هني نقول الخدامات اللي يعاملونهن الناس بطيبه ليش يردون عليهم بهالطريقه الخبيثه .. يعني الواحد صاير ما يعرف شو الاسلوب المناسب للتعامل معاهن ..

    بس ردا ً على سؤال ليش في كل بيت خدامه .. أنا اشوف انه علامه من علامات البطره الزايده والتكاسل المبالغ فيه .. يعني في ناس والله والله ما تحتاج الخدامه لو انهم احترموا اعمارهم وكل حد في البيت اهتم بغرفته وتعاونوا في البيت وتعلمت الام الطبخ وعلمت بناتها وعيالها بدال قعدة المياعه في البيت والهياته في الشوارع طول اليوم .. واخرتها الجمله السائده بينهم ملل ومافي شغله ..

    الشرها على الناس نفسهم قبل لا يكون على الخدامات

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: