الفرق الكوريه ،،، و بناتنا

It’s ‘9a’3a6 time

السلام عليكم

اليوم من دوام الثانويه الفصله طاقه الخشم و أول شي أبي أفصل عليه الي ايها الفرق الكوريه و هوس الحريم المفاجئ لها

قبل لا أبدي الموضوع أبي أسأل سؤال برييييييء : شعاجبكم يالبنات بالكوريين ؟! خايسين و أكلهم مجبوس جلاب و حمسه دود و زهيوي مشوي ! الحمد لله عالنعمه. ، انزين خلوكم من الأكل شوفوا العيون حظهم ينامون مو نفسنا ساعتين😀 اي و الله لا شوفوا الصوره

20111019-171659.jpg

هذولا ريايل ؟!!!!! و الله لو عندنا جان ضغطناهم يردون ديرتهم يبجون : هازا نفر سوي يضغط مشان أنا هلو و هو جيكر

الموضوع :

من سنتين لاحظت انه في منتديات نسائيه لمغنين البوب الكوريين ، أول شي بدأت السالفه بأقسام بعدها بمنتديات مجانيه ، ألحين في بنات يدفعون فلوس علشان منتدى حق الفنان نعال شينغ بونج طانق😛 و الأخ و لا يدري عنهم .

شوي طاحولك يعلقون صورهم بطوف غرفهم (يحسسوني يفهمون كوري انتوا نجحوا بالانجليزي بعدين فهموا كوري) و يتمقلون فيهم و أشكره تقول ودي أتزوجك

أنا من الضحك أقعد أحمد ربي أنه الله خلقني رجال و لا أقعد أصير مثلهم .

أذكر أني دخلت منتدى مدرسه المشاغبين و دشيت المنتدى العام و لا ألقى هالخبر

لحقوا يا بنات فانغ فينغر شونج تزوج من ميري خدامه عمتي أقصد ميري سونغ شينج (أي شي كلهم يشابهون بعض )

و أشوف صور العرس يذكروني بجليب الشيوخ و انزل تحت عالردود و لا ياهي من ردود :

١_ ويع من صجه ماخذها أمبيييي وييييع

٢_ وييع كنها نعال لو ماخذ فانجي بونج تينق كان أحسن (تعرفله الملعونه)

و غيره و غيره لدرجه وحده قالت تزوجني أنا أنا أحلى😥 مسكينه مو لاقيه عريس من معارسينا الزينين🙂

أختم موضوعي الفصله و أنا أشرب قهوه سوده بجم صوره

١_فرقه جليب الشيوخ :

20111019-174759.jpg

بلديه بلديه !!!!

٢_فرقه ستاربكس

20111019-175102.jpg

One black coffie please

٣_الفرقه الأفضل فرقه تشليز

20111019-175238.jpg

Cheder burger meal please with more onion please , o8y siiir you must peel (feel) the fresh air ou6side (outside) siiir

5 thoughts on “الفرق الكوريه ،،، و بناتنا

  1. pationbower قال:

    تشكر ع التعليق .,
    وانا معجبة برايك
    الذي يدل على مبادئك السليمة في الحياة

  2. memoalatoulyly قال:

    للأمانه الفنيه عاد انا وحده من الناس اللي يكرهون هالهبه اللي البنات طايحين فيها هالايام واكره شي اسمه كوريين وعاد هالموضه كرهتني فيهم اكثر ..

    بس الصراحه عاد انته طحت فيهم طيحه عنصريه اكثر منها منطقيه .. هم قبل كل شي فنانين في بلادهم مثل ما نحن عندنا فنانين عرب الواحد يتبرى منهم غير جيه الغلط مب منهم .. مثل ما قلتلك توني هم فنانين في بلادهم وهم جيه يحبونهم عاد الغلط من بناتنا الخرندع المقصه اللي اي شي بينشهر بيحبونه حتى لو من طقه بونعال وردي

    • iceq8 قال:

      أنا أحترم فن كل دوله

      لكن القصد مو فيهم القصد بالبنات ، يعني اذا الكوريين جذي شلون لما يشوفوني أغني

      شنو رويشد شنو مايكل جاكسون شنو جاريد ليتو

      بس مشعل :p

  3. amo0osh قال:

    والله مآ ننلام !!
    كبهم وسيمين وخقق
    وبعدين كله ولآ فرقتي super junior !!
    مآ اسمح لحد !!
    بصص مشكور عالطرح =))

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: