تجربتي الدراسيه مع اول يوم دراسي في الحادي عشر

السلام عليكم

طبعا اليوم معروف ؛ دوامات الطلبه في الثانويات و المتوسطات ، لكن حبيت اشاركم تجربتي مع اليوم اليديد

طبعا الوقت كان طويل و المدرسين شغالين احباط ، قاعد احاتي هل اقدر اييب امتياز ؟! و الكتب زادت و هالوزاره طايحينلنا كلام فاضي و جذب عن الحقيبه المدرسيه و أوهام عن مستقبل دراسي للكويت (صواريخ تنهال من كل صوب )

فدشيت حادي عشر علمي و كانت الاجواء احباط سكوت في سكوت عوضا انه بالفصل كان في جم واحد من الربع و الباقي ادبي (فَشَلَه) 

استلمت الكتب باجياس سوق جيان ، و الي ضحكني بعد اني شاري بنطلون قبل العيد حق المدرسه و كان قدي بس اليوم من لبسته كان وسيع حيل استاتست نازل حيل الحمد لله ( عزيزي القارئ تكفى قول مشالله عن عينك الحاره ) هههههههه

المهم الوقت غريبه كان طويل يعني الوقت بالاجازه سريييع و بالدراسه بططططيييييء 

المدرسين نصهم عبط (لازم مصرين للاسف ما يعرفون يدرسون) و سوري واحد بس مبين عليه خوش واحد خو السوريين يدرسون بس الله يعينا على الفرعونيين 

الجرس طق رديت البيت ، سويتلي شاي اخضر و طايحلي هالايام معمول بس يازينه من معمول

فتحت التويتر طبعا
ماكو شي خرابيط و اخبار الخ

طخيت و نمت هالنومه و بعدها قمت وصليت و الحين قاعد ادرس !!!!! ادرس ؟!!!! هذا اول الدوام جذي شلون اخر شي ؟!!!!!!!!!!!!!!!! 

فقلت خلني اكتبلكم التجربه و ادري انها مو حلوه

اين انت يا وزيرنا الغالي المليفي

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: