سبونج بوب !!!

السلام عليكم

انا توني قاعد مع اختي الصغير جبال التلفزيون و حطيت لها ام بي سي ثري ، شوي و لا اسمعها تصارخ و مستانسه

قلته هي شوي شوي قاعد أشتغل شفيج تصارخين

قالتلي : هيا سبونج بوب حطوا سبونج بوب

عاد انا قلت شسالفه هالكرتون ؟!!! جان اقط الي بيدي و اشوف الكرتون وياها

صراحه مالوم اليهال ، كرتون برييييييء ، و رسوماته اهي الي خلت اليهال ينسجمون معاه

يعني حولوا عالم البحار الى شي يحبه اليهال بشكل مو طبيعي

صراحه انا انسجمت و مرات اضحك على جم شغله

و انا اقول ليش اليهال يحبونه ، اذا أنا حبيته شلون اليهال ما يحبونه !!!

قلت خل اوري اختي صورت سبونج بوب بالصج

دورت بقوقل عن الصوره و وريتها ، اشكره قالت ويع هذا مو سبونج بوب وين عيونه و وين خشمه و وين بنطلونه
انا جذي فصلت قلتلها اي جذي سبونج بوب

تعليقي عالمسلسلات الكرتون : اهي مسلسلات بريئه يحبه الطفل و تعكس له حياه الواقع بشكل احلى غير الحروب و الصراعات

لدرجه انها تنسي الياهل العالم الي اهو فيه و يدخل هالعالم ، و انا كنت جذي و انا صغير على ايام سبيس تون و خصوصا كونان الي لي اليوم اتذكره و مادري ليش ، اهو من رسوماته و لا من قصته او من جوتيه الي يطق حيل

احسن من المسلسلات الغبيه الي قاعد نشوفها من مسلسلات مصريه و سوريه و حتى كويتيه

يعني مسلسلات تعكس الواقع و المجتمعات بصوره خايسه

يعني سوريا : مافيها مجرمين و قتله و اهل كرم

مصر : ناس حياتها عباره عن. كرم و اخلاق و بعضهم الله يستر عليهم

الكويت : مجتمع مثالي تسوده المحبه و التعاون و اهلها اهل. كرم و اخلاق

يعني مالوم اليهال ، يلا لا للاخبار و المسلسلات العربيه و نعم ل ام بي سي ماكس و سبونج بوب

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: