شلون هالالعاب يبيعونها بالكويت ؟!

السلام عليكم

توني اليوم أشوف واحد من اخواني يلعب أحد العاب قراند ثيف أوتو أو مثل ما يسمونه بالعاميه حرامي السيارات و قلتله يبب غلاف اللعبه

و أنا طبعا لازم أجيك من ورا إخواني لأنه مأكو رقابه عالالعاب هالأيام

و صراحه استغربت أصلا من الاسم

اللعبه عباره عن ثلاث أجزاء من اللعبه و مثل ماهو مكتوب عالتحذيرات أنه الشريط يحتوي على ألفاظ نابيه و شغلات يكرم السامع جنسيه

لكن إلي لاحطته أكثر أنه الشريط فيه جزء من الأجزاء اسمه

The ballad of gay tony

و معناه على ما ترجمته و إلي عنده ترجمه أفضل يقولوي أهي رقصه الشاذ توني

شاذ ؟!!!!! وين الرقابه ؟! وين الشرطه ؟! و وين وزاره التجارة ؟! وين أصلا السلطات عن هالاشكال إلي تدخل و تدخل معاها هالشغلات

خو ما بقالنا الى الشباب علشان ينمون و يبنون الديره ييون هالاشكال من السواريه و المصاروه إلي قاعدين تهريب بالأشغال الممنوعه و لا حسيب و لا رقيب

يا ناس نصيحه مني لكم

إذا ياو عيالكم بيشترون لعبه بليشتيشن أو أي شيء في شي اسمه تقييم أو rate و هو بنفسه يحدد لك الأعمار المناسبه للعب اللعبه
تقدرون تبحثون عنه بقوقل و المنتديات ما يقصرون لكن اغلبها لازم تسجل و هذا شي يبط الجبد صراحه بس مشوا الحال

و شي ثاني ترا في العاب حق فوق ال 21 تنباع بالرحاب الرجاء الانتباه منها لأنها تحتوي على أشياء الدين و العادات و التقاليد مانعته فالرجاء الانتباه لعيالكم لانها تنباع عليهم و عادي جنه ماكو شي

و الرجاء من المسؤولين تنفيذ قانون المراحل العمريه لبيع هذي الالعاب و منع المسئ منها

و شكرا لكم
ملاحظه : أي بدليه في الموضوع فلا تآخذوني لأني كاتبه من البلاك بيري

8 thoughts on “شلون هالالعاب يبيعونها بالكويت ؟!

  1. almubarkia قال:

    قبل تكلموا عن هالشغلات بس ماكو فاده

  2. Salman قال:

    اخوي انا قبل جم شهر رحت بشتريه
    تدري ان مادري وين راح محل ثاني لافه ب ١٠ جياس و معطينياه و يتلفت يسار يمين !!! لو قايله ابي مخدرات شيسوي هذا

    • iceq8 قال:

      بعد شنسوي أهم ما قصروا منعوه لكن القهر بالمهربين و إلي يكفلهم يعني تقوله أنزين و شباب ديترك يقولك حاج الباقي مو أنا بس إلي أسوي جذي

  3. Ithetruth قال:

    السلام عليكم
    حبيت اشارك بالموضوع
    اهو بصراحه طويل ومايخلص الرقابه والرقابه و…و…الخ
    لكن السؤال المهم : منو ودا اخواننا وعيالنا محل الالعاب اذا احنا وماعرفنا شنو شروا هذي مصيبه واذا مو احنا المصيبه اكبر
    واعتقد ان اليهال بريئين بتفكيرهم الا اذا احنا نبهناهم وخليناهم يشوفون اشياء بعيونا يعني : توم وجيري … جيري دايما يبوس توم على حلجه يعلمون عيالنا الشذوذ ؟ هاري بوتر ساحر … يعلمون عيالنا السحر ؟ جاك سبارو حرامي وسكير وسوالفه بطاليه … يعلمون عيالنا العربده والسرسره ؟؟ الخ .. الخ ولو سألنا اي طفل عن اللي قلتهم راح يكون جوابه بسيط وبريء
    اسف لكن وجهة نظري والهوون ابرك مايكوون وشكرا

  4. Bomber قال:

    لازم يكون في قانون انه الالعاب حق ١٨ ما تنباع حق اليهال مثل اللي يسوونه بامريكا لازم توريهم الID ولا ما يبيعونك اياه

    ولازم يكون في مراقبه من الاهل على كل شي يشترونه اليهال

  5. Bomber قال:

    وعلى فكره the balled of gay tony وthe lost and damned مو العاب بس DLC

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: